على ما يبدو اني كنت عـن بالـك بعيـد ابعيـد

على كثر اتصالات الخلايـق فـي صبـاح العيـد
انـا والله مـا كنـت آتحـرّى غيـر جـوّالـك
تحريـت إتصالـك إنـت يالغـالـي وبالتحـديـد
لأن العيد ما اظنه يجي ومـا جيـت فـي بالـك
تصور كيف مر العيـد مـن تنكيـد فـي تنكيـد
وانا ما غير اهوجـس بـك وانـادي وآتحرّالـك
وجوّالـي غـدا مثلـي تنهّـد واكثـر التنهـيـد
يقول: ابطى عليك.. وقلت: اكيد العلـة ارسالـك
وقمت اكذب على نفسي واقـول بصيغـة التأكيـد
اكيـد الحيـن بتكلـم وانـا ادري مـا طرينالـك
على ما يبدو اني كنت عـن بالـك بعيـد ابعيـد
حرام ارجوك صدقني انـا مـا استاهـل افعالـك

جفـاك اليـوم قيّدنـي تعـال وفـكّ هـذا القيـد
كلّمنـي وعايدنـي وقلّـي.. إنـت وش حـالـك
ياليت العذر (فاتـورة) عليـك بحاجـة التسديـد
أخاف العذر هـي قولـة: نسيتـه رقـم جوالـك